Y Llys Apêl

Mae'r Llys Apêl, sy'n eistedd yn Llundain yn y Llysoedd Barn Brenhinol, yn cynnwys dwy adran:

Yr Adran Sifil, sy'n gwrando apeliadau o:

• Dair adran yr Uchel Llys (Siawnsri, Mainc y Frenhines a'r Adran Deulu)
• Lysoedd Sirol Cymru a Lloegr,
• Rai Tribiwnlysoedd fel y Tribiwnlys Apêl Cyflogaeth, y Tribiwnlys Apêl Mewnfudo, y Tribiwnlys Tiroedd a'r Comisiynwyr Nawdd Cymdeithasol.

Yr Adran Droseddol, sy'n gwrando apeliadau o Lys y Goron.

Y Llys Apêl yw llys uchaf Barnwriaeth y Goruchel Llys, sydd hefyd yn cynnwys yr Uchel Lys a Llys y Goron.

Yn Nhŷ'r Arglwyddi, o'i gymharu â'r Llys Apêl, ceir dim ond 12 Arglwydd Apêl ("arglwyddi cyfraith"), sydd fel rheol yn eistedd ar baneli o bum barnwr.

Fel rheol bydd y Llys Apêl yn eistedd mewn hyd at 12 llys yn y Llysoedd Barn Brenhinol.

Syr Anthony Clarke, Meistr y Rholiau, yw Llywydd y Llys Apêl, Adran Sifil. Mae hefyd yn Bennaeth Cyfiawnder Sifil.

Arglwydd Ustus Waller yw Is-Lywydd y Llys Apêl, Adran Sifil

Ceir 37 barnwr rheolaidd arall yn y Llys Apêl gyda'r teitl Arglwydd/Arglwyddes Ustus. Mae nifer ohonynt yn eistedd yn Adran Droseddol y Llys Apêl ac yn Llys Adrannol Adran Mainc y Frenhines.

Bydd y pedwar Pennaeth Adran arall yn eistedd o bryd i'w gilydd yn Adran Sifil y Llys Apêl. Y rhain yw:

• Arglwydd Phillips o Worth Matravers, Arglwydd Brif Ustus Cymru a Lloegr, sydd hefyd yn Llywydd Adran Droseddol y Llys Apêl
• Syr Igor Judge, Llywydd Adran Mainc y Frenhines
• Syr Mark Potter, Llywydd yr Adran Deulu
• Syr Andrew Morritt, y Canghellor