Llinell Gymorth Profiant a'r Dreth Etifeddu 0845 30 20 900

Sefydlwyd y Llinell Gymorth Profiant yn Ebrill 2003 ac mae'n gweithio ar y cyd â'r Llinell Gymorth ar gyfer Treth Etifeddu. Mae'r Llinell Gymorth ar y cyd yn cynnig un pwynt cyswllt i gynrychiolwyr personol a'r cynrychiolwyr mewn profedigaeth ar gyfer cael gwybodaeth am sut i gael profiant neu gael cymorth ynghylch y dreth etifeddu a bodloni'u dyletswyddau i Gyllid a Thollau EM.

Hefyd, mae llawer o wybodaeth a ffurflenni ar gael drwy'r Rhyngrwyd. Gall pobl ymweld â Gwefan Cyllid a Thollau EM

Os nad oes gan bobl fynediad i'r Rhyngrwyd, gall y Llinell Gymorth drefnu i daflenni a ffurflenni gael eu postio atynt.

Oriau agor

Mae'r Llinell Gymorth Profiant a Threth Etifeddu ar agor rhwng 9am a 5pm o ddydd Llun i ddydd Gwener. Mae'r rhif 0845 30 20 900 yn rhoi'r 3 dewis canlynol i'r rhai sy'n galw

• 1 - Gadael archeb am ffurflenni a thaflenni ar y gwasanaeth awtomatig
• 2 - Siarad â chynghorydd Profiant
• 3 - Siarad â chynghorydd y Dreth Etifeddu.

Gall staff y Llinell Gymorth roi cyngor ac arweiniad am faterion cyffredinol yn ymwneud â'r Dreth Etifeddu, ond ni allant roi cymorth gyda chynllunio treth. Gallant hefyd ddelio gydag ymholiadau cychwynnol a sylfaenol am brofiant neu gynghori'r sawl sy'n galw os bydd angen iddynt gysylltu â Chofrestrfa Brofiant.